ສິ່ງດີທຢາກແນະນຳໃຫ້ຜູ້ປົກຄອງໄດ້ຮູ້
ສິ່ງດີໆແນະນຳ
September 1, 2021
1. ໃຫ້ລູກຮູ້ຈັກການເປັນຕົວຂອງຕົວເອງ: ພໍ່ແມ່ຄວນເປີດໂອກາດໃຫ້ລູກໄດ້ຮຽນຮູ້ ສຳຫຼວດ ແລະ ທົດລອງເຮັດຫຍັງດ້ວຍຕົນເອງ ປ່ອຍໃຫ້ລູກມີອິດສະຫຼະໃນການເລືອກໃຫ້ຄວາມສົນໃຈສິ່ງຕ່າງໆ ໂດຍມີພໍ່ແມ່ຄອຍເບິ່ງຢູ່ໃກ້ໆ ແລະ ໃຫ້ຄຳແນະນຳເທົ່າທີ່ຈຳເປັນ ການໃຫ້ລູກມີອິດສະຫຼະໃນການຄິດ ແລະ ຕັດສິນໃຈດ້ວຍຕົນເອງ ຈະສົ່ງຜົນໃຫ້ລູກມີຄວາມເປັນຕົວຂອງຕົວເອງຫຼາຍຂຶ້ນ
2. ໃຫ້ລູກຊ່ວຍເຮັດງານບ້ານ: ການມອບໝາຍໜ້າທີ່ໃຫ້ລູກຊ່ວຍເຮັດວຽກເຮືອນເປັນການສ້າງເສີມສັກກະຍະພາບຮອບດ້ານໃຫ້ກັບລູກ ລວມເຖິງຊ່ວຍໃຫ້ລູກຮູ້ຈັກການຊ່ວຍເຫຼືອ ຮູ້ຈັກແບ່ງປັນ ສະແດງຄວາມມີນໍ້າໃຈຕໍ່ຄົນໃນຄອບຄົວອີກນຳ3. ໃຫ້ຄວາມສຳຄັນກັບການມີເວລາໃຫ້ລູກ: ຖ້າພໍ່ແມ່ມີເວລາວ່າງ ຄວນມອງຫາກິດຈະກຳທີ່ເຮັດຮ່ວມກັນທັງຄອບຄົວເຊັ່ນ ເຮັດກິດຈະກຳປະດິດຂອງຫຼິ້ນ ເບິ່ງໜັງ ເຮັດອາຫານ ລວມເຖິງກິດຈະກຳນອກບ້ານເຊັ່ນ ໄປສວນສັດ ໄປພິພິດທະພັນ ເພາະການທີ່ຄອບຄົວໄດ້ເຮັດກິດຈະກຳຮ່ວມກັນຖືວ່າເປັນການສ້າງຄວາມສຳພັນພາຍໃນຄອບຄົວໃຫ້ໜຽວແໜ້ນ ເຮັດໃຫ້ເດັກໆຮູ້ສຶກອົບອຸ່ນ ປອດໄພ ແລະ ມອງເຫັນວ່າເວລາທີ່ໄດ້ຢູ່ກັບພໍ່ແມ່ນັ້ນພິເສດສະເໝີ4. ໃຫ້ລູກຮູ້ວ່າ ລູກເປັນສ່ວນໜຶ່ງຂອງຄອບຄົວສະເໝີ: ເວລາທີ່ລູກມີພຶດຕິກຳຫຼືຄຳເວົ້າບໍ່ໜ້າຮັກ ພໍ່ແມ່ບໍ່ຄວນໃຊ້ອາລົມຕອບໂຕ້ ຫຼື ເຮັດໃຫ້ລູກຮູ້ສຶກຕົວເອງແປກແຢກເຊັ່ນ ຄຳຂູ່ວ່າເຮັດແບບນີ້ແລ້ວຈະບໍ່ຮັກ ຫຼື ການປຽບທຽບລູກກັບເດັກອື່ນ ແຕ່ຄວນໃຊ້ເຫດຜົນອະທິບາຍໃຫ້ລູກເຂົ້າໃຈວ່າ ເປັນຫຍັງພໍ່ແມ່ຈຶ່ງບໍ່ພໍໃຈ ແລະ ຢ່າລືມສະແດງໃຫ້ລູກເຫັນວ່າ ພໍ່ແມ່ຮັກລູກ ເຖິງວ່າລູກຈະເຮັດໂຕບໍ່ໜ້າຮັກ ແຕ່ລູກກໍ່ເປັນສ່ວນໜຶ່ງຂອງຄອບຄົວ ແລະ ເຝທຸກຄົນພ້ອມທີ່ຈະໃຫ້ອະໄພສະເໝີ5. ໃຫ້ໂພສະນາການທີ່ດີແກ່ລູກ: ອາຫານຖືເປັນປັດໄຈຫຼັກໃນການເສີມສ້າງຮ່າງກາຍ ແລະ ພັດທະນາການຂອງເດັກບໍ່ວ່າຈະເປັນການໃຫ້ລູກໄດ້ດື່ມນົມແມ່ຕັ້ງແຕ່ເກີດ ຫຼື ດື່ມນົມທີ່ອຸດົມໄປດ້ວຍສານອາຫານຄົບຖ້ວນທີ່ຈຳເປັນຕໍ່ການຈະເລີນເຕີບໂຕຂອງລູກ ລວມເຖິງການຮັບປະທານອາຫານທີ່ດີຕໍ່ສຸຂະພາບເພື່ອການຈະເລີນເຕີບໂຕໄດ້ຢ່າງແຂງແຮງສົມໄວ
6. ຫ້າມປຽບທຽບລູກກັບຄົນອື່ນ: ບາງຄັ້ງພໍ່ແມ່ອາດຈະເຜີໃຊ້ຄຳເວົ້າປຽບທຽບລູກກັບຄົນອື່ນເຊັ່ນ ເວົ້າວ່າຄົນອື່ນເກັ່ງກວ່າ ດີກວ່າ ເພື່ອທີ່ຈະເປັນແຮງຜັກດັນໃຫ້ລູກພັດທະນາຕົວເອງໃຫ້ດີຂຶ້ນ ເຊິ່ງເປັນສິ່ງທີ່ບໍ່ຄວນເຮັດຢ່າງຍິ່ງ ເພາະສະນັ້ນຄວນເຂົ້າໃຈ ແລະ ພູມໃຈໃນສິ່ງທີ່ລູກເປັນໃຫ້ຫຼາຍຂຶ້ນ
——————————————–
#ໂຮງຮຽນເດັກຄຳຮູ້
https://khamhouschool.edu.la/
ສອບຖາມຂໍ້ມູນ: 020 5599 4516 & 020 5567 5000
ສະຖານທີ່: ບ້ານ ຮ່ອງແກ, ເມືອງ ໄຊເສດຖາ, ນະຄອນຫຼວງວຽງຈັນ.